अन्तराष्ट्रिय बाग्लुङ समाजले बाग्लुङ जिल्लामा कोभिड महामारी बिरुद्ध लड्न सहयोग जारी राखेको छ । समाजले १७ लाख रुपैया बरावरको सहयोग जिल्लामा पठाएको छ । विश्वभरी छरिएर रहेका प्रबासी बाग्लुङबासीहरुको तर्फबाट सहयोग संकलन गरेर जिल्लाका बिभिन्न स्थानमा सहयोग पठाइएको समाजका अध्यक्ष एकराज गिरीले जानकारी दिनुभयो । समाजले कोभिडको पहिलो लहरको समयमा जिल्लामा १० लाख भन्दा बढीको स्वास्थ्य सामाग्री सहयोग गरेको थियो । अहिले चलिरहेको दोस्रो लहरमा थप ७ लाख रुपैया बरावरको स्वास्थ्य सामाग्री वितरण गरिएको गिरीले जानकारी दिनुभयो । साथै यो सहयोग निरन्तर रहने उहाँले बताउनुभयो । यसको लागि समाजका उपाध्यक्ष कृष्ण शर्मा, रमेश भट्ट, दिपक गौतम सचिव दिपेन्द्र आचार्य, प्रेम सागर पौडेल, सहकोषाध्यक्ष महेश खाती र विभिन्न देशका अध्यक्षहरु अहोरात्र खट्नु भएको अध्यक्ष गिरीले बताउनुभयो । यस्तै नेपालमा उपाध्यक्ष बेलुकाजी थापा, एसिया संयोजक विष्णु चापागाई, कार्यलय प्रमुख सुरेन्द्र कडेल, संरक्षकहरु होमनाथ शर्मा र गंगा शर्माले समन्वय गरिरहनुभएको उहाँले बताउनुभयो ।
वितरण भएको स्वास्थ्य सामाग्रीको विवरण
