काठमाडौं ।
नेपाली कांग्रेसका नेता नवीन्द्रराज जोशीको निधन भएको छ ।
मस्तिष्कघात भई काठमाडौंको नर्भिक अस्पतालमा उपचार गराइरहेका जोशीको आज राति ८ः२४ बजे मृत्यु भएको नर्भिक अस्पतालले जानकारी दिएको छ ।
शुक्रबार बिहानदेखि जोशीको मुटुले समेत काम गर्न छाडेको र उपचारका सबै प्रयास जारी राखिएकै अवस्थामा निधन भएको नर्भिक अस्पतालका वरिष्ठ न्यूरो सर्जन डाक्टर राजीव झाले बताए ।
फागुन १४ गते मस्तिष्कघात भई अस्पताल भर्ना भएका जोशीलाई अस्पतालले सुरुदेखि नै भेन्टिलेटरको सहायतामा उपचार गरिरहेको थियो ।
कांग्रेस केन्द्रीय सदस्य जोशी पूर्वमन्त्री र पूर्वसांसद पनि हुन् ।