नेपालमा महामारीका कारण स्वास्थ्य सामग्रीको चरम संकट भएपछि विभिन्न मुलुकमा रहेका राजदूत सहयोग जुटाउन सक्रिय भएका छन्। स्पेनका लागि नेपाली राजदूत दावाफुटी शेर्पाले त्यहाँस्थित गैरआवासीय नेपालीदेखि स्पेन सरकार र सामाजिक संस्थाहरूबाट सहयोग जुटाउन पहल गरिरहेकी छन् ।
राजदूत फुटीले सहयोग जुट्ने क्रम जारी रहेको र चाँडै सहयोग नेपाल पठाउने जानकारी दिएकी छन् । राजदूत शेर्पाले ट्वीट गर्दै महामारविरुद्ध स्पेन सरकारले पनि सघाउन लागेको उल्लेख गरेकी छिन् ।
युरोपमा नेपाली बिमान प्रतिबन्धित भएकाले वैकल्पिक उपायबाट अत्यावश्यक मेडिकल सामग्री बुधबार नेपाल पठाउने तयारी दूतावासले गरेको छ ।
दुतावासले स्पेनमा रहेका सङ्संस्था र समुदायलाई सहयोग सन्कलन गर्न र सन्कलन भएको सहयोग मंगलवार भित्र दुतावासमा सम्पर्क गरी बुझाउन अनुरोध गरेको छ ।
गैरआवासीय नेपाली संघले पनि नेपाली समुदाय र अरू कल्याणकारी संस्थाहरूबाट सहयोग संकलन गरिरहेको छ । युरोपेली युनियनले नेपाललाई २८ करोडको स्वास्थ्य सहायता उपलब्ध गराउने घोषणा गरेको छ ।