विश्व बक्सिङ महासंघको आयोजनामा स्पेनको लेइदामा भएको इन्टरनेशनल बक्सिङ कपमा नेपाली बक्सर म्याक्स बस्नेत च्याम्पियन भएका छन् । प्रतियोगितामा स्पेनिश च्याम्पियन रामोन मेलगार रोमाचोलाई हराँउदै च्याम्पियन बनेका उनी आगामी बर्ष स्पेनमै हुने विश्व बक्सिङ च्याम्पियनसीपका लागि छनोट भएका छन् ।
युरोप सहित विश्वका २० भन्दा धेरै देशहरुबाट बक्सिङ खेलाडीहरु सहभागी भएको उक्त च्याम्पियनसीपमा विभिन्न इभेन्टका म्याचहरु भएका थिए । नेपालका १४ पटकका राष्ट्रिय विजेता बक्सर बस्नेतले जीतपछि नेपाली झण्डा फहराउदै युरोपमा आएर नेपालको प्रतिनिधित्व गरी विजयी हुँदा धेरै खुसी लागेको बताए । म्याक्सले युरोपमा नेपाली खेलाडीले खेल्ने अवसर पाउनु ठूलो कुरा रहेको बताए ।
लिगामेन्टको चोटका कारण १३औं साग गुमाएँका बस्नेत ४ बर्षपछि रङिमा उत्रिएका हुन ।
ठुलो प्रतियोगिता भएकोले खेल अघि केही नर्भस भएपनि खेल शुरु भएपछि आफ्नो २ दशक लामो अनुभवको प्रयोग गर्दै विजयी भएको उनले बताए । आफ्नो यो सफलतापछि अन्य खेलाडीको लागि पनि अवसर खुल्ने म्याक्सले बताए ।