७० प्रतिसतले खोप नलिदासम्म युरोपमा कोरोना माहामारी सकिदैन– डब्लुएचओ

विश्व स्वास्थ्य संगठनका युरोप क्षेत्रीय निर्देशकले युरोप क्षेत्रमा अहिले कोभिडको संक्रमणदर केही घटेको जस्तो देखिएपनि महामारी सकिएको ठान्नु भुल हुने बताएका छन् । डब्लुएचओको युरोप क्षेत्रीय निर्देशक हान्स कुल्गले एक अन्र्तवार्तामा युरोपको जनसंख्याको ७० प्रतिसतले भ्याक्सिन नलिदासम्म माहामारी नसकिने बताएको एएफपी ले जनाएको छ । उनले युरोपमा भ्याक्सिन प्र्रकृयामा देखिएको ढिलाईले महामारी थप लब्बिने बताएका छन् । अहिले युरोप क्षेत्रका ५३ सहित मध्ये एसियाको जनसंख्याको २६ प्रतिसतले मात्रै भ्याक्सिनको कम्तिमा एउटा डोज लिएका छन् । युरोपियन युनियन भित्रका ३६ प्रतिसतले मात्रै खोपको पहिलो डोज लिएका छन् । एएफपीको तथ्यांक अनुसार दुवै डोज लिनेको संख्या १६ प्रतिसत मात्रै रहेको छ ।
कुल्गले विश्वमा देखिएको कोरोनाको नयाँ खालका भेरियन्टले थप चिन्ता बढाएको बताएका छन् । युरोपमा पछिल्लो पाँच हप्तामा संक्रमणको दर धेरै घटेको देखिएपनि भारतको पत्ता लागेको नयाँ भेरियन्ट युरोप क्षेत्रका २७ वटा स्थानमा पुष्टि भैसकेकोले थप चुनौती बढेको उनले बताएका छन् । यस्तै युरोपमा पछिल्लो समयमा कोरोना बिरुद्धका प्रतिबन्धहरु खुकुलो बनाइदै जाँदा मानिसहरुमा सावधानीका उपाए समेत ख्याल नगर्ने क्रम बढेकोले महामारीको अर्को लहरको खतरा रहेको उनको भनाइ छ । पछिल्ला दिनमा युरोपियन च्याम्पियन्स लिगको समयमा देखिएको मानिसहरुको भिडलाई संकेत गर्दै उनले कोभिडले रातो कार्ड देखाइसकेको भन्दै सामाजिक दुरी कायम राख्न र माक्सको प्रयोग नछाड्न सुझाव दिएका छन् । उनले यस महामारीबाट पार पाउन भ्याक्सिनलाई तिब्र पार्नुको बिकल्प नभएको बताएका छन् । तर युरोपका कतिपय देशमा युवाहरुलाई समेत खोप लिन शुरु गरिएको तर कुनै देशमा स्वास्थ्य क्षेत्रमा काम गर्नेहरुले समेत पुर्ण रुपमा खोप नपाएकोले एकैनासले खोप वितरण गर्नुपर्नेमा जोड दिएका छन् ।