• Sun. Apr 14th, 2024

SPAIN NEPAL COM

नेपाली जनप्रगतिशील मंन्च स्पेनको अध्यक्षमा विशाल ढुंगानाको उम्मेद्बारी

Byspainnepal

Nov 22, 2021

नेपाली जनप्रगतिशील मंन्च स्पेनका संगठन विभाग प्रमुख विशाल ढुंगानाले आगामी कार्यकालको  लागि अध्यक्ष पदमा उम्मेद्बारी घोषणा गर्नु भएको छ ।  मंन्चको तेस्रो अधिबेसन आगामी डिसेम्बर १२ तारिक हुने घोषणा  भैसकेको  छ ।  

कास्कीको पोखरा महानगरपालीका वडा नं. २६ घर भै हाल १० बर्ष देखि स्पेन बस्दै आउनु भएका ढुंगाना लामो समय देखी राजनीतिक र सामाजिक कार्यहरुमा सक्रिय रहदै आउनु भएको छ ।  बिधार्थी काल देखिनै राजनितिक र सामाजिक कार्यहरूमा संलग्न ढुंगाना २०५७ सालमा बिधालयबाट राजनीतिक यात्रा सुरू गरी विधालयमा संगठन ईकाई सचिव र अध्यक्ष हुँदै पश्चिमान्चलको ठुलो पब्लीक क्याम्पस  जनप्रिय बहुमुखि क्याम्पसको अनेरास्ववियू (क्रान्तिकारी) को संस्थापक अध्यक्ष हुनु भएको थियो भने  Ycl कास्कीको सदस्य रहि काम गर्नु भएको थियो।साथै रेडक्रस , सामुदायिक सेवा केन्द्र , लियो क्लब लगाएत विभिन्न संघ संस्थामा  नेतृत्वदायि भुमिकामा रहेर सामाजिक कार्यहरुमा  लाग्नु भएको थियो ।  स्पेनमा आए पछि नेपाली जनप्रगतिशील मंन्च स्पेनको साधारण सदस्य -२०१२, पार्टीको एरिया सचिव स्पेम  २०१३, संगठनको सचिव -२०१५-२०१७, पार्टीको एरिया कमिटि उपाध्यक्ष-२०१६,संगठनको सल्लाहकार २०१७-२०१९ हुनु भएका ढुंगाना हाल संगठन विभाग प्रमुख हुनुहुन्छ ।  यस्तै उहाँ एनआरएनए स्पेनको २०१७-२०१९ कार्यकालमा कोषाध्यक्ष र २०१९-२०२१ को कार्यकालमा सल्लाहकार हुनुहुन्थ्यो ।  यस्तै सामाजिक काममा सकृय हुने शिलशिलामा उहाँ कास्की समाज स्पेनको संस्थापक महासचिव तथा कास्की समाज अन्तराष्ट्रिय समितिको संस्थापक सचिव र कास्की समाज स्पेनको संरक्षक समेत  हुनु भएको थियो। 

आफ्नो लामो राजनीतिक र सामाजिक सक्रियताको कारणले नै सबैको सुझाबको आधारमा संगठनको अध्यक्षमा उम्मेद्बारी  दिएको ढुंगानाले बताउनुभयो  ।  स्पेनमा संगठनलाई थप बिस्तार गर्दै सामाजिक सेवाको लागि सबैभन्दा प्रभाबकारी संगठन बनाउने उदेस्य   अनुसार आफु अघि अध्यक्षको लागि अगाडि बढेको   उहाँले  बताउनुभयो   ।  

नेपाली जनप्रगतिशील मंच स्पेनको तेस्रो अधिबेशन आगामी १२ डिसेम्बरका २०२१ आइतबारका दिन हुँदैछ  ।  अधिबेशन सम्पन्न गर्नका लागि अध्यक्ष अर्जुन आचार्यको संयोजकत्वमा मुल आयोजक समिती तथा संरक्षक श्याम प्रसाद खनाल संयोजक र निवर्तमान अध्यक्ष गगां प्रसाद भुषाल र सल्लाहकार कृष्ण प्रसाद भुषाल सदस्य रहेको ३ सदस्यिय समन्वय तथा निर्वाचन समिती गठन गरिएको छ 

Leave a Reply

Your email address will not be published. Required fields are marked *