स्पेनमा एस्ट्राजेनेका खोप लिएका एकजनाको मृत्युबारे अनुसन्धान हुँदै

स्पेनको मारबेइयामा एस्ट्राजेनेका खोप लिएका एक जनाको मृत्यु भएको विषयमा अनुसन्धान भैरहेको स्पेन सरकारले जनाएको छ । एक्स्ट्राजेनेका खोप लिएकी एक ४३ बर्षिय शिक्षिकाको रगत जम्ने समस्याका कारण मृत्यु भएको थियो भने अन्य दुईजनामा पनि रगत जम्ने समस्या देखिएको एएफपीलाई उद्धत गर्दै द लोकलले जनाएको छ । उक्त सवै घटनाबारे सरकारले अनुसन्धान गरिरहेको जनाइएको छ । स्पेनले एस्ट्राजेनेका खोपलाई रोक लगाएको २ दिन पछि उक्त घटना बाहिर आएको हो । यि तीनवटा घटना आइतवारदेखि मंगलबारसम्मका भएको जनाइएको छ । अक्सफोर्ड युनिर्भिसटीको उक्त खोप लगाएका ब्यक्तिमा रगत जम्ने समस्या देखिएको भन्दै जर्मनी, इटाली, फ्रान्स लगायतका देशले उक्त खोप रोक लगाइसकेका छन् । विश्व स्वास्थ्य संगठनले भने एस्ट्राजेनेका खोप लिएकामा रगत जम्ने समस्या देखिएकोबारे अनुसन्धान भैरहेको भन्दै तर उक्त खोप अभियान नरोक्न सुझाव दिएको छ ।
स्पेनमा अहिलेसम्म ९ लाख ७५ हजार ६६१ जनाले उक्त खोप लिइसकेको सरकारी आकाडा छ । स्पेनमा अहिलेसम्म ७२ हजार ५ सय जनाको कोरोना भाइरसका कारण मृत्यु भैसकेको छ भने ३२ लाख भन्दा धेरै संक्रमित भएका छन् ।