![](https://usercontent.one/wp/www.spainnepal.com/wp-content/uploads/2022/05/278993120_5467125016639919_4553128384922347808_n-1024x671.jpg)
जनसम्पर्क समिती स्पेनको आयोजनामा आइतवार स्पेनको बार्सिलोनामा बृहत साँस्कृतिक कार्यक्रम हुँदै छ । कोरोना भाइरसको महामारीका कारण लामो समयदेखि रोकिएका नेपाली समुदायका सार्वजनिक कार्यक्रम र सभा सम्मेलनहरु विस्तारै शुरु हुन थालेका छन । यसै सन्दर्भमा जनसम्पर्क समितीले नयाँ बर्षमा विशेष कार्यक्रम गर्ने प्रचलन अनुसार यो बर्ष पनि बृहत साँस्कृतिक कार्यक्रमको आयोजना गरेको हो । कार्यक्रमको लागि सबै तयारी पुरा भएको समितीका अध्यक्ष सन्तोष श्रेष्ठले जानकारी दिनुभयो । उहाँले सवै स्पेनवासी नेपालीहरुलाई कार्यक्रममा सहभागी हुन आब्हान गर्नु भएको छ ।
![](https://usercontent.one/wp/www.spainnepal.com/wp-content/uploads/2022/05/278582092_5683544214993992_7427255843619852332_n.jpg)
कार्यक्रममा राष्ट्रिय कलाकारहरु सन्दिप न्यौपाने, रमिला न्यौपाने, साइमा श्रेष्ठको विशेष सांगितिक प्रस्तुतीको साथमा चर्चित स्टोरी टेलर साइग्रेसको विशेष प्रस्तुती रहने छ । साथै स्थानीय कलाकारहरुको नृत्य तथा नाटक प्रर्दशन र नेपाली पाठशाला तथा इनासको समेत प्रस्तुती र कार्यक्रमको अन्त्यमा डिजे सेसन रहने अध्यक्ष श्रेष्ठले बताउनुभयो । कोरोनाको महामारीका कारण लामो समयदेखि नेपालीहरुको बीचमा जमघट नभएको सन्दर्भमा पछिल्लो समयमा कोरोनाको भय कम हुदै गएको र नेपालीहरुको बीचमा थप भाइचारा बढाउने उद्देश्यले कार्यक्रम आयोजना गरिएको उहाँले बताउनुभयो ।
![](https://usercontent.one/wp/www.spainnepal.com/wp-content/uploads/2022/05/278683243_5088620111192346_4475403934712925761_n-683x1024.jpg)