स्पेनमा कोभिड प्रभावित ब्यवसायलाई सहयोग गर्न ११ अर्बको प्याकेज पारित

स्पेन सरकारले कोरोना प्रभावित ब्यवसायिक प्रतिस्ठानहरुलाई सहयोग गर्न ११ अर्ब युरोको राहत प्याकेज शुक्रवार पारित गरेको छ । यसमा ७ अर्ब फिर्ता गर्न नपर्ने गरी त्यस्ता कोभिड प्रभावित ब्यवसायलाई डाइरेक्ट सहयोग गरिनेछ भने ३ अर्ब सरकार ग्यारेन्टी बसेर बैंकहरु मार्फत ऋण प्रदान गरिने छ र १ अर्ब सरकारले सञ्चालन गरेका मझौला कम्पनिहरुको पुर्नउत्थानका लागि खर्च गरिने छ । कोभिड प्रभावित ब्यवसायहरुले यस्तो सहयोग लिनका लागि कोभिडले प्रभाब पारेर आफ्नो ३० प्रतिसत नोक्सान भएको प्रमाणित गर्नुपर्ने छ । यो नगद सहयोग निश्चित खर्च तथा ऋण चुक्ता गर्न खर्च गर्न सकिने छ । यस्तो सहयोग स्वरोजगार कामदारलाई ३ हजार युरो देखि मझौला र ठुला ब्यवसायलाई ४ हजार देखि २ लाख युरोसम्म दिइने छ ।
यो स्पेनको केन्द्र सरकारले घोषणा गरेको अहिलसम्मकै ठुलो कोभिड राहत प्याकेज हो भने ब्यवसायलाई स्पेन सरकारले गर्न लागेको यो सहयोग सन् १९८० मा स्पेन युरोपियन युनियनमा जोडिएपछिको सबैभन्दा ठुलो हो । उक्त सहयोगको विशेष अंश सवैभन्दा धेरै प्रभावित बालेरिक र क्यानरी आइसल्याडको टुरिजम क्षेत्रलाई छुुट्टयाइने छ । कोरोनाका कारण बालेरिक आइसल्याण्डको जिडिपी २७ प्रतिसत र कानरी आइसल्याण्डको जिडिपी २० प्रतिसतले घटेको छ । स्पेन सरकारले बेरोजगार कामदारलाई तलवको ७० प्रतिसतको हिसावले ४० अर्ब युरो खर्च गरेको छ भने २४ अर्ब क्षेत्रीय सरकारहरुलाई दिएको छ ।
गत बर्ष सन् २०२० मा स्पेनको अर्थतन्त्रमा ११ प्रतिसतको गिरावट आएको छ । श्रम मन्त्रालयको आकडा अनुसार करिब ४० लाख कामदार बेरोजगार बनेका छन् । सन् २०१९ को तुलनामा स्पेन सरकारको सार्वजनिक खर्च १० प्रतिसतले बढेर १३ खर्ब पुुगेको छ । स्पेनमा कोरोना भाइरसबाट अहिलेसम्म ३१ लाख भन्दा धेरै संक्रमित भएका छन भने ७३ हजार भन्दा धेरैको मृत्यु भएको छ ।