स्पेनमा कोरोना भाइरस लागेर निको भैसकेका ५५ वर्ष भन्दा कम उमेरका ब्यक्तिलाई भ्याक्सिनको एक डोज मात्रै दिइने भएको छ । कोभिड संक्रमणको ६ महिना पछि उनीहरुलाई एक डोज दिइने सरकारले जनाएको छ । ५५ वर्ष भन्दा माथि उमेरकालाई भने २ वटै डोज दिइने सरकारले जनाएको छ । यस्तै पहिलो डोज लिएर फेरी संक्रमित भएकाहरुलाई पनि दोश्रो डोज पनि दिइने छ । स्पेनमा ५५ वर्ष माथिकालाई फाइजर र मोर्डेना भ्याक्सिन दिइएको छ भने ४५ देखि ५५ वर्ष उमेरकालाई एस्ट्राजेनेका भ्याक्सिन दिइने छ । स्पेनका केयर होममा बस्नेहरु र त्यहाँ काम गर्ने स्वास्थ्यकर्मीलाई भ्याक्सिन दिइसकिएको छ ।
अहिलेसम्म स्पेनको कुल जनसंख्याको २ दशमलब ६ प्रतिसत अर्थात १२ लाख ४३ हजारले भ्याक्सिनको दुुवै डोज लिएसकेको छन् । यस्तै पहिलो डोज लिएका ३६ लाख पुगेका छन् । विश्वमा अहिलेसम्म ५ करोड २१ लाखले भ्याक्सिनको दुवै डोज लिइसकेका छन् ।