स्पेन लगायतका युरोपियन देशहरुले अक्सफोर्ड एस्ट्राजेनेका भ्याक्सिनको प्रयोग फेरी शुरु गर्ने भएका छन् । उक्त भ्याक्सिन लगायका ब्यक्तिहरुमा रगत जम्ने समस्या देखिएको भन्दै रोकेका युरोपियन देशहरुले पुन शुरु गर्ने भएका हुन् । युरोपियन युनियनको औषधी नियामक निकायले उक्त भ्याक्सिन सुरक्षित र भरपर्दो रहेको निश्कर्ष निकालेपछि सवै देशहरुले पुन प्रयोग गर्ने भएका हुन् । स्पेनले अर्को बुधवारदेखी पुन अक्सफोर्ड एस्ट्राजेनेका लगाउन शुरु गर्ने जनाएको छ भने इटाली, फ्रान्स, जर्मनी, पोर्चुगलले पनि शुरु गर्ने जनाएका छन् । स्पेनमा उक्त भ्याक्सिन यसअघि झै ५५ बर्ष मुनिका लागि लगाइने छ ।
यसैबीच स्पेनको मारवेइयामा केही दिनअघि एस्ट्राजेनेका भ्याक्सिन लिइकी एक शिक्षिकाको मृत्युमा उक्त भ्याक्सिनको सम्बन्ध नभएको त्यहाँका अधिकारहरुले जनाएका छन् । ब्रेन ह्याम्रेजका कारण मृत्यु भएककी ४३ बर्षिय शिक्षिकामा रगत जम्ने समस्या पनि नदेखिएको र एस्ट्राजेनेका भ्याक्सिन लिएको कारणले मृत्यु भएको भन्ने कुरा पुष्टि हुन नसकेको त्यहाँको पत्रिका सुर ले जनाएको छ ।
