भ्याक्सिन पासपोर्ट लिएर स्पेन आउने युरोपियन मुलुकका नागरिकलाई पिसिआर परिक्षणको रिपोर्ट नचाहिने भएको छ । युरोपियन युनियनले आधिकारिक रुपमा उपलब्ध गराएको डिजिटल ग्रिन सर्टिफिकेट लिएर आउनेहरुलाई पिसिआर परिक्षण गर्नुनपर्ने र क्वारेन्टाइन पनि बस्नुनपर्ने स्पेनका स्वास्थ्य अधिकारीले बताएका छन् । निशुल्क क्युआर कोडको रुपमा उपलब्ध हुने उक्त कोभिड भ्याक्सिन पासपोर्ट आगामी जुनको अन्तिमदेखि लागुहुने छ । स्वास्थ्य मन्त्रालयले यसले युरोपियन मुलुक भित्रका नागरिकलाई स्पेनमा निर्वाध आवतजावतको लागि सहजिकरण गर्ने जनाएका छन् । यो ट्राभल डकुमेन्ट नभएको तर यसले माानिसहरुको आवतजावत बढाउन सघाउने सरकारी अधिकारीले जनाएका छन् । यसले आगामी समरमा स्पेनमा पर्यटकको संख्या बढ्ने अपेक्षा गरिएको छ । यो बर्ष ४० मिलियन पर्यटक भित्र्याउने लक्ष्य रहेको छ ।
