स्पेनले भारतमा भैलिएको कोरोना भाइरसको नयाँ भेरियन्टलाई रोक्ने उद्देश्यले भारतबाट स्पेन आउने यात्रुहरुमा कडाई शुरु गरेको छ । भारतबाट अत्यावश्यक बाहेकका काममा आउन नदिने निर्णय गर्दै स्पेनिस सरकारले स्पेनको रेसिडेन्सी भएका नागरिकहरु भने आउन पाउने जनाएको छ । भारतबाट स्पेन आउने सवैले पिसिआर नेगेटिभ रिर्पोट ल्याउनुपर्नेछ भने यहाँ आएपछि अनिर्वाय रुपमा १० दिन क्वारेन्टाइनमा बस्नुपर्ने छ । यो सँगै भारत पनि दक्षिण अमेरिकी देशहरु र अफ्रिकन देशहरुसँगै स्पेनको क्वारेन्टाइनको सुचिमा थपिएको छ । भारतमा कोरोनाको नयाँ भेरियन्टको संक्रमण तिब्र रुपमा बढेको छ । पछिल्ला दिनहरुमा भारतमा दैनिक ३ लाख भन्दा धेरै संक्रमित थपिएका छन भने ३ हजार भन्दा धेरैको ज्यान गैरहेको छ । भारतमा देखिएको कोरोनाको नयाँ भेरियन्टले नेपालमा पनि कारोनाको दोस्रो लहर शुरु भएको छ । तर स्पेनले नेपाललाई भने अहिलेसम्म क्वारेन्टाइनको सुचिमा राखेको छैन् ।
