नेपाली जनप्रगतिशिल मन्च, स्पेनले कोरोना भाइरसको दोस्रो लहरले नेपालमा ल्याएको महामारीसंग लड्न सवैलाई एकजुट हुन अपिल गरेको छ । मन्चका अध्यक्ष अर्जुन आचार्य र महासचिव अशोक किरण न्यौपानेले एक अपिल प्रकासित गर्दै विश्वभरी छरिएर रहेका नेपाली समुदायलाई मातृभुमिको सहयोगका लागि हातेमालो गर्न आग्रह गर्नु भएको छ । साथै मन्चले नेकपा माओवादीले नेपालमा अक्सिजन प्लान्ट बनाउने, अक्सिजन कन्सेन्ट्रटर मेसिन खरिद गर्ने, अक्सिजन सिलिन्डरखरिद गर्ने लगायतका महामारीसँग जुध्न गरिहेका अन्य गतिबिधीको सहयोगका लागि स्पेनबाट १ लख रुपैंया सहयोग गर्ने र एनआरएनए स्पेनले पठाउन लागेको सहयोगका लागि २०१ युरो सहयोग गर्ने निर्णय गरेको छ । साथै मन्चले मातृभुमिमा परेको दुखको समयमा सवैजना एकजुट भएर सहयोग गर्न आग्रह गरेको छ ।
