गैरआवासीय नेपाली संघ स्पेनको अधिबेशन आगामी जुलाईको २५ तारिक हुने भएको छ । संघको बैठकले बर्तमान कार्यसमितीलाई अधिबेशन आयोजक समितीका रुपान्तरण गर्दै अधिबेशनको मिति तोकेको हो । संघले मातहतका क्षेत्रीय समितीहरुलाई त्यसको एक महिना अघि अर्थात जुन मसान्तसम्ममा क्षेत्रीय अधिबेशनहरु सम्पन्न गर्न पत्राचार गरिसकेको छ ।
साथै संघले अधिबेशनका लागि यस पटक केन्द्रको निर्देशन अनुसार अनलाइन एमआइएस [मेम्बर इन्फरमेसन सिस्टम] बाट पञ्जीकृत सदस्यता वितरण शुरु गरेको छ । संघले सदस्यता शुल्क १० युरो निर्धारण गरेको छ ।
यसको लागि ब्राउजरमा members.nrna.org मा देशमा स्पेन छनोट गरी आफ्नो विवरणहरु पेश गर्नुपर्ने छ । यसको लागि आफ्नो मोवाइल नम्बर या इमेल आइडीबाट एकाउन्ट बनाइ आफ्नो विवरणहरु राखेर आवेदन दिनुपर्नेछ । साथै उक्त विवरणमा नेपाली पार्सपोर्ट या स्पेनको रेसिडेन्सी कार्डको कपि तथा आफ्नो फोटोको आबश्यक पर्छ । एउटा फोन नम्बर र इमेल आइडीबाट एक जनाको मात्रै आवेदन भर्न मिल्छ । सदस्यता दस्तुर स्वरुपको १० युरोको लागि क्षेत्रीय समितीकोहरुको हकमा क्षेत्रीय समितीका पदाधिकारी या तोकेको ब्यक्ति र क्षेत्रीय समिती नभएको क्षेत्रबाट केन्द्रिय कार्यालय या एनसीसीको बैंक एकाउन्टमा रकम जम्मा गर्नुपर्ने छ । अनलाईनबाट आएका आवेदनमा क्षेत्रीय समितीका अध्यक्ष र सचिव तथा एनसिसी अध्यक्ष र महासचिवले रुजु गरी सदस्यता प्रमाणित हुने छ ।
केन्द्रको निर्देशन अनुसार यसपटक अनिबार्य रुपमा अनलाइन प्रणालीबाट दिएको सदस्यता आवेदन मात्रै स्विकृत हुने महासचिव उमराज ढकालले जानकारी दिनुुभयो ।