अन्तराष्ट्रिय काभ्रेपलाञ्चोक सेवा समाजले नेपाली नयाँ बर्ष २०७८ को अवसरमा फोटो प्रतियोगिता गर्ने भएको छ । सन् २०१७ मा स्थापना भएको समाजले काभ्रे जिल्लाको पर्यटकीय स्थानहरुको प्रचारप्रसार र प्रर्बद्धन गर्ने उद्देश्यले फोटो प्रतियोगिता गर्न लागेको हो । राजधानीसँगै जोडिएको र धेरै सम्भावना भएपनि पछाडी परेको काभ्रेलाई पर्यटकीय क्षेत्रको रुपमा विकास गर्न फोटो प्रतियोगिताले सहयोग गर्ने समाजले जनाएको छ । काभ्रे जिल्लामा चर्चित मठमन्दीर र मनमोहन पर्यटकीय स्थानहरु भएपनि तिनको प्रचारप्रसार हुन नसकेकोले सम्भावना भए जति पर्यटक आकर्षित हुन सकेको छैनन् । त्यहाँका सम्पुर्ण पर्यटकीय क्षेत्रलाई फोटो मार्फत विश्वभरी चिनाउने र प्रचारप्रसार गर्ने उद्देश्यले प्रतियोगिता गर्न लागिएको समाजका अध्यक्ष दीपक खरेलले बताउनुभयो । प्रतियोगिताका लागि छिट्टै एक समितीले बनाउने र त्यसले प्रतियोगिताको नियमहरु तथा प्रक्रियाहरु सार्वजनिक गर्ने उहाँले बतनाउनुभयो ।